Беларускія вячоркі ладзіліся 22 лістапада 2024 года ў гарадской дзіцячай бібліятэцы. У праграме прымалі ўдзел артысты  драматычнага гуртка “Мельпамена” пры бібліятэцы, якія акунуліся ў атмасферу народнага побыту: спявалі, танцавалі беларускую польку, бралі ўдзел у гульнях “Хуткі клубок”, “Хустачка”, “Жмуркі”, “Сініцы”, “Беларускія стравы”, конкурсу “Нацыянальны касцюм”. Праграма аказалася насычанай на жартоўныя дражнікі-лічылкі, байкі, анекдоты, народныя песні, танцы, вершы і пачастункі. У завяршэнне праграмы падвялі вынікі конкурсу “Нацыянальны касцюм”, пераможцу ўручылі падарунак. Завяршылася мерапрыемства традыцыйна - за кубкам гарбаты.